React Native ga kirish
Mobil ilova yaratishni o'ylaganingizda ko'pincha ikkita yo'l esingizga keladi: Android uchun alohida, iOS uchun alohida. React Native bu muammoni boshqacha yechadi — bitta JavaScript/React kodi bilan ikkala platformada ham ishlaydigan ilova yaratish imkonini beradi.
Bu darsda React Native nima ekanini, u web React bilan qanday bog'liqligini va kurs davomida qayerga borishimizni tushuntiramiz.
React Native nima?
React Native — Facebook (hozir Meta) tomonidan yaratilgan mobil ilova frameworki. U React ning komponent va state fikrlash usulini telefon va planshetlarga olib keladi.
Asosiy g'oya oddiy:
- Siz JavaScript/JSX da UI yozasiz
- React Native bu kodni native widgetlarga aylantiradi (Android da View, iOS da UIView kabi)
- Natijada ilova brauzer emas, balki haqiqiy native ilova sifatida ishlaydi
React Native veb-sayt emas.
<div><span><View><Text><Image>Web React bilan farqi
| Web React | React Native |
|---|---|
DOM elementlari (divp | Native komponentlar (ViewText |
| CSS fayllar | StyleSheet |
| Brauzerda ishlaydi | Android/iOS da ishlaydi |
flex-direction: row | flexDirection: 'column' |
React bilimini olib kelganingiz yaxshi — komponentlar, props, state, hooks bir xil mantiqda ishlaydi. Farq asosan UI qatlamida.
Ichkarida qanday ishlaydi?
React Native JavaScript thread va Native thread o'rtasida ko'prik (bridge) orqali muloqot qiladi:
- Siz JSX yozasiz va state o'zgartirasiz
- React diff hisoblaydi — nima o'zgarganini aniqlaydi
- Bridge bu o'zgarishlarni native tomonga yuboradi
- Telefon ekranida haqiqiy native elementlar yangilanadi
Yangi arxitekturalarda (Fabric, JSI) bu jarayon tezroq, lekin boshlang'ich tushuncha shu: JS UI ni boshqaradi, native qism chizadi.
Bu kursda nima o'rganamiz?
Kurs uch qismdan iborat:
1. Asoslar — muhit sozlash, birinchi ilova, core komponentlar, Flexbox, ro'yxatlar, modal oynalar.
2. Debugging — xatolarni topish, console, React DevTools, remote debug.
3. Amaliy loyiha — "Guess My Number" mini o'yini: bir nechta ekran, gradient fon, foydalanuvchi kiritishi, o'yin mantiq.
Har bir bosqichda faqat nazariya emas, real kod yozamiz.
Qanday loyihalar quramiz?
- Goals app — maqsadlar ro'yxati (ScrollView, FlatList, Modal, Pressable)
- Guess Number game — son topish o'yini (navigation, TextInput, Alert, random sonlar)
Bu loyihalar kurs oxirida o'zingiz mustaqil ilova boshlash uchun yetarli poydevor beradi.
Kimlar uchun?
- JavaScript/React asoslari bor dasturchilar
- Mobil ilova yaratmoqchi bo'lganlar
- Bitta kod bilan Android va iOS ga chiqmoqchi startap yoki shaxsiy loyiha egalari
React Native bilmasangiz ham bo'ladi — lekin
useStateXulosa
- React Native — bitta kod bilan iOS va Android ilovalari
- Web React bilan mantiq bir xil, UI qatlami boshqacha
- Kursda nazariya + amaliy loyihalar ketma-ket o'rganiladi
Keyingi darsda development muhitini sozlaymiz va birinchi ilovani ishga tushiramiz.